Təxribat nəticəsində ölən və yaralananların sayı | Pakistan MN-dən məlumat

Pakistan Müdafiə Nazirliyi Əfqanıstanla dövlət sərhədində baş vermiş təxribat nəticəsində həlak olanların və yaralananların sayı barədə məlumat yayıb. Bildirilib ki, oktyabrın 11-də Əfqanıstan yaraqlıları Pakistan mövqelərinə hücum ediblər. Bu hücum nəticəsində Pakistan tərəfindən 23 hərbi qulluqçu həlak olub, 29 nəfər isə yaralanıb.

Pakistan Ordusu dərhal cavab zərbələri endirərək qarşı tərəfin düşərgələrini və sığınacaqlarını hədəf alıb. Əməliyyat zamanı İŞİD və "Pakistan Talibani" (TTP) ilə əlaqəli silahlı qrupların məhv edildiyi vurğulanır. Nazirliyin məlumatına görə, qarşı tərəfin itkilərinin sayı 200-dən çoxdur. Bundan əlavə, terror qruplaşmalarına dəstək verən 19 nəzarət-buraxılış məntəqəsi ələ keçirilib. Pakistan tərəfi əməliyyatların yalnız yaraqlıların mövqelərinə qarşı yönəldiyini və mülki əhalinin hədəf olmadığını qeyd edib.