Pleyeri seçin:
Tramp Sidneydəki terror aktını dəhşətli hadisə adlandırıb
Xəbərlərimizi Google-da izləyin
Yeniliklərdən dərhal xəbərdar olun
Dekabrın 14-də Sidneydə törədilən terror aktında ölənlərin sayı 16 nəfərə çatıb.
Yeni Cənubi Uels ştatının səhiyyə naziri Rayan Park bu barədə açıqlama verib.
Onun sözlərinə görə, ölənlər arasında bir uşaq da var, azyaşlı Rendvikdəki uşaq xəstəxanasında həyatını itirib.
“Bu, bütövlükdə cəmiyyətimiz, xalqımız üçün tamamilə dəhşətlidir, lakin yəhudi icması üçün xüsusən ağırdır”, – deyə səhiyyə naziri bildirib.
O, atışmada yaralananlardan dördünün uşaq xəstəxanasına göndərildiyini deyib.
Qeyd edək ki, Sidneydə Bondi çimərliyində Hanuka bayramı münasibətilə keçirilən tədbirdə iki silahlı şəxs atəş açıb. Terror aktı ilə bağlı iki nəfər saxlanılıb. Bayram tədbirinə təxminən yəhudi icmasının 2 min nəfər nümayəndəsi qatılıb.
Polisin fikrincə, cinayətkarlar bu hadisəni bir neçə ay ərzində planlaşdırıblar. Bununla bağlı Ağ Evdə çıxış edən ABŞ lideri Donald Tramp Sidneydə çimərlikdəki hücumu dəhşətli hadisə adlandırıb, eyni zamanda atıcının hücumu tamamlamasına mane olan cəsur insana böyük hörmətini ifadə edib.
“Avstraliyadakı hücum zamanı çox cəsarətli bir adam təcavüzkarlardan biri ilə döyüşə girdi və bir çox insanın həyatını xilas etdi”, – deyə Tramp söyləyib.
Kopyalandı
#Sidney şəhəri teqi istifadə olunub
Seçilmişlər
