Trampın gözü önündə bir-birilərini söydülər | Mask özündən çıxdı

ABŞ Hökumətinin Səmərəliliyi Departamentinin (DOGE) rəhbəri İlon Mask və maliyyə naziri Skott Bessent ölkənin vergi xidməti ilə bağlı mübahisə zamanı Ağ Evdə bir-birilərinə qışqırıblar.

Bu barədə xarici mediada məlumat paylaşılıb. Bildirilib ki, şiddətli mübahisə Ağ Ev rəhbəri Donald Trampın gözü önündə baş verib.

Nəşr yazır ki, tərəflər arasında gərginliyə səbəb ölkənin vergi xidmətinə kimin rəhbərlik edəcəyi ilə bağlı yaranıb. S.Bessent büdcəyə böyük miqdarda pul qazandıracağına dair verdiyi vədləri yerinə yetirmədiyi üçün İ.Maskı tənqid edib.

İ.Mask isə özünümüdafiə üçün maliyyə nazirini “Sorosun agenti” adlandırıb. Daha sonra nazir “lənət olsun”, ‒ deyə qışqırıb, İ.Mask isə “daha yüksəkdən de”, ‒ deyə S.Bessentə kinayəli cavab verib.

Onların mübahisəsi o qədər ciddi olub ki, hətta Donald Trampın köməkçiləri hər iki şəxsi sakitləşdirməyə çalışıb. Mübahisə zamanı kobud təhqir və söyüşlərdən də istifadə edilib. Bu səbəbdən müxtəlif kontentlərdə mübahisənin videogörüntülərinə məhdudiyyət qoyulub, yaxud silinib.

Qeyd edək ki, bu səs-küylü mübahisəni həmin gün Ağ Evdə olan İtaliyanın Baş naziri Ciorcia Meloni də eşidib.