Türkiyə Futbol Federasiyasından Ərdoğan açıqlaması | Super kubok qalmaqalı davam edir

Türkiyə Futbol Federasiyası ötən il dekabrın 29-da baş tutmalı olan “Qalatasaray” – “Fənərbağça” arasındakı superkubok oyununun ləğv edilməsinə ölkə Prezidenti Rəcəb Tayyib Ərdoğanın təsir göstərməsi ilə bağlı yayılan xəbərlərə münasibət bildirib.

TFF rəsmi saytında məsələ ilə bağlı izahat yayıb.

“Superkubok oyununun Ər-Riyadda keçirilməsi təklifi iki klub tərəfindən bəyənilib və imzalanıb. Öz növbəsində, prezidentimizin oyunun ləğvi prosesində hər hansı formada iştirak etməsi ilə bağlı bütün iddialar əsassızdır”, – deyə TTF-nin bəyanatda bildirilir.