Türkiyə Ordusu İraqda əməliyyat keçirir

Türkiyə Ordusu İraqın şimalında daha bir şəhid verib. Bu barədə ölkənin Milli Müdafiə Nazirliyi məlumat yayıb.

Bildirilib ki, çavuş Mustafa Sezer İraqın şimalında keçirilən “Pənçə-Kilit” antiterror əməliyyatı zamanı yaralanıb. Hərbçi xəstəxanaya çatdırılsa da, onun həyatını xilas etmək mümkün olmayıb.

Qeyd edək ki, Türkiyə Ordusu son sutka ərzində İraqda 6 şəhid verib. Məlumata görə, “Pənçə-Kilit” antiterror əməliyyatı nəticəsində Türkiyə Silahlı Qüvvələri bu ilin aprel ayından etibarən 300-dən çox PKK-çını məhv edib.