Türkiyənin dünyaya səs salan ən uzaqmənzilli raketi təqdim edildi

23 iyul 2025 375 baxış

Türkiyə Ordusu yeni raketlərlə gücləndirilir.

Belə ki, “Roketsan” şirkəti 17-ci Beynəlxalq Müdafiə Sənayesi Sərgisində 6 yeni sistem təqdim edib. Əsas diqqət Türkiyənin ilk hipersəsli ballistik raketi “Tayfun Blok-4”ə yönəlib. Çəkisi 7,2 ton olan raketin uzunluğu 10 metrdir.

“Roketsan” tərəfindən hazırlanan “Tayfun” ballistik raketi Türkiyənin ən uzaqmənzilli raket sistemidir və silah 3 min kilometrədək məsafəni hədəf almaq gücünə malikdir.

Qeyd edək ki, raketin dağıdıcılıq miqyasını nəzərə alaraq ona Sakit Okeanın qərbində, xüsusilə Çin, Yaponiya, Filippin, Tayvan və ətraf bölgələrdə yayılan Tayfun qasırğasının adı verilib.

“Tayfun Blok-4” çox sürətlidir və hədəfdən yayınması 10 metrdən çox olmur.

Bundan əlavə, “Roketsan” yeni “Gökbora” görüş məsafəsindən kənar havadan-havaya raketini, “Eren” adlı yüksəksürətli çoxməqsədli sursatı, “300 ER” raketini, “Şimşək-2” peyk daşıyıcısını və “Akata” dəniz sistemini təqdim edib.

#Tayfun Blok-4