Türkiyə prezidenti ABŞ-İran müharibəsini mənasız qiymətləndirdi - Baku TV

Yaxın Şərqdəki gərginlik daha böyük müharibəyə çevrilir.

Bunu Türkiyənin xarici işlər naziri Hakan Fidan İstanbulda keçirilən konfransda bildirib.

"Türkiyə bölgə ölkələrini ciddi eskalasiyaya sürükləyəcək gərginliklərə qarşıdır", – nazir söyləyib.

Diplomat əlavə edib ki, ABŞ və İsrailin İrana hücumu və Tehranın cavab əməliyyatları Körfəz ölkələri üçün təhdid yaradır:

"Bu isə yalnız İsrailin savaşı deyil, çünki gərginliyin bədəlini bütün dünya ödəyir. Geosiyasi və iqtisadi çətinliklər artıb".

Qeyd edək ki, Türkiyə Prezidenti Rəcəb Tayyib Ərdoğan da ABŞ və İsrailin İrana hücumları ilə başlayan savaşı "mənasız" adlandırıb.

O qeyd edib ki, bir aydır bölgəni dərindən sarsıdan bu mənasız müharibənin bədəlini münaqişə tərəfləri qədər bütün bəşəriyyət ödəyir.

R.T.Ərdoğanın sözlərinə görə, diplomatiya və dialoq yolu ilə ortaq məxrəcə gəlmək mümkün olan zamanda müharibənin davam etdirilməsi bütün bəşəriyyətin ziyanınadır:

"Münaqişələr sona çatmasa, böyük bədəl ödəniləcək".