Türkiyə üçün tarixi gün | Atatürkün başçılıq etdiyi hərəkatın qələbəsi
Bu gün Türkiyə Respublikasının qurulmasının 102 illiyidir.
1923-cü il oktyabrın 29-da Türkiyə Böyük Millət Məclisi Cümhuriyyəti elan edib. İki il sonra – 1925-ci ildə 29 oktyabrın türk dövlətinin yaranması günü kimi qeyd olunması barədə qanun qəbul olunub.
Birinci Dünya müharibəsində Osmanlı İmperiyası məğlubiyyətə uğrayandan sonra ərazisi işğala məruz qaldı. Həmin vaxt Mustafa Kamal Atatürkün başçılıq etdiyi hərəkatın mübarizəsi 1923-cü ildə milli qüvvələrin qələbəsi ilə başa çatdı.
1923-cü ildən Türkiyədə parlament üsul-idarəsi dövlət idarəetmə forması mövcud idi. Ölkə 2018-ci ildən prezident üsul-idarəsinə keçib. Türkiyənin ilk prezidenti Mustafa Kamal Atatürk olub.
Hazırda Türkiyə Prezidenti Rəcəb Tayyib Ərdoğandır. Onun sədri olduğu Ədalət və İnkişaf Partiyası ilk dəfə 2002-ci ildə parlament seçkilərində qalib gəlib. Həmin dövrdən Türkiyənin hakim partiyasıdır.
Bu gün Türkiyə bir çox beynəlxalq təşkilatların, o cümlədən NATO-nun üzvü, dünyada əsas siyasi aktorlardan biridir. Ankara həmçinin türk dövlətləri arasında inteqrasiyanın güclənməsində mühüm rol oynayır. Bu xüsusilə Türk Dövlətləri Təşkilatı daxilindəki fəaliyyətdə özünü göstərir.
#Türkiyə teqi istifadə olunub
- Qəzza sülh planı və bütöv Suriya dövlətini nə birləşdirir? | ANALİTİK BAXIŞ
- Türkiyənin əlaqələri, ABŞ-nin dəyişən qərarları və İsrailin planları
- ABŞ Türkiyə ilə bağlı tarixi qərar verdi
- Türkiyəli fermerdən maraqlı addım | 7 saat traktorla torpağa yazı həkk etdi - Baku TV
- Qəzza Sülh Şurasının qurulmasında Türkiyənin rolu nədir? - Baku TV CANLI
