Pleyeri seçin:
Türkiyənin Suriya barədə məqsədi | Ərdoğanla Blinkenin görüşündə diqqətçəkən məqam
“Türkiyə öz milli təhlükəsizliyi naminə Suriyada fəaliyyət göstərən və ölkə üçün təhlükə mənbəyi olan PKK/PYD və İŞİD başda olmaqla bütün terror təşkilatlarına qarşı tədbirlər görəcək”.
Bunu Türkiyə Prezidenti Rəcəb Tayyib Ərdoğan bu ölkəyə iki günlük rəsmi səfərə gələn ABŞ dövlət katibi Entoni Blinkenlə görüşü zamanı deyib.
Ərdoğan Suriyanın ərazi bütövlüyü, birliyi və unitar quruluşunun qorunmasının tərəfdarı olduğunu da qeyd edib. Vurğulayıb ki, Türkiyə İŞİD-lə qarşı-qarşıya mübarizə aparan yeganə NATO ölkəsi olaraq PKK-nın Suriyadakı mövcud vəziyyəti fürsətə çevirmək cəhdlərinin qarşısını alacaq.
Məlumata görə, Blinken Türkiyə xarici işlər naziri Hakan Fidanla da görüşüb. Tərəflər Suriyada mümkün keçid prosesini və Qəzzada atəşkəsi müzakirə ediblər.
Kopyalandı
#Türkiyə teqi istifadə olunub
Seçilmişlər
