Türkiyəyə "F-16"ların satışı yenidən bərpa edilir? | Ağ Ev şərtini açıqladı

22 mart 2025 564 baxış

ABŞ Prezidenti Donald Tramp türkiyəli həmkarı Rəcəb Tayyib Ərdoğanla danışıqlardan sonra Ankaraya qarşı sanksiyaları ləğv etmək və bu ölkəyə “F-16” qırıcılarının satışını bərpa etmək imkanını nəzərdən keçirir.

Bu barədə “Fox News Digital” telekanalı öz mənbələrinə istinadən məlumat yayıb.

Tramp “F-16” tədarükü üzrə sazişin tamamlanmasına kömək etməyə hazır olduğunu bildirib.

Tərəflər Türkiyənin silahlanmasında olan Rusiya istehsalı “S-400” zenit-raket sistemlərinin neytrallaşdırılması barədə razılığa gələrsə, o, Ankaraya “F-35” qırıcılarının satışını istisna etməyib.

“Bu, avadanlığın qismən sökülməsini və ya ABŞ-nin nəzarətində olan bazaya köçürülməsini əhatə edə bilər”, − deyə telekanalın mənbələri qeyd edib.

Qeyd edək ki, Vaşinqton tərəfindən Türkiyəyə qarşı sanksiyalar onun Rusiyadan “S-400”lərin almasından sonra tətbiq edilib. Nəticədə “F-35”lərin satışı dondurulub və Türkiyə bu təyyarələrin istehsalı proqramından çıxarılıb.

#ABŞ