Ukrayna Ordusuna məxsus PUA-lar məhv edildi | Hücumla bağlı təcili məlumat

Oktyabrın 18-dən 19-na keçən gecə və səhər saatlarında Rusiya hava hücumundan müdafiə sistemləri Belqorod, Bryansk və Rostov vilayətləri üzərində Ukraynaya məxsus 20 PUA-nı məhv edib və ələ keçirib.

Bu barədə Rusiya Müdafiə Nazirliyi məlumat yayıb.

Qeyd olunub ki, oktyabrın 19-da gecə saat 12-dən səhər saat 8-ə qədər Rusiya ərazisindəki obyektlərdə PUA-lardan istifadə etməklə terror aktı həyata keçirmək cəhdlərinin qarşısı alınıb.

Ukraynaya məxsus 17 PUA Bryansk vilayəti, 2-si Rostov vilayəti, 1-i isə Belqorod vilayəti ərazisində vurulub.