Ukrayna Ordusundan zərbə | Bryanskdakı zavod partladıldı

Ukrayna Ordusu Rusiyanın Bryanskdakı “Elektrodatel” zavodunu atəşə tutub.

Rusiya Ordusu üçün lazımi ləvazimat hazırlayan zavodun vurulması barədə xəbəri Ukrayna Silahlı Qüvvələrinin Baş Qərargahı yayıb.

Zavoda raket zərbəsi endirilib. “Neptun” qanadlı raketlərindən istifadə olunduğu bildirilir. Partlayış və yanğın baş verib.

“Ukrayna texnoloji cəhətdən inkişaf edəcək və ordu üçün uzaqmənzilli silahlar hazırlanacaq”.

Bunu Ukrayna Prezidenti Volodimir Zelenski özünün teleqram kanalında yazıb.

Məsələ ilə bağlı Ukrayna Silahlı Qüvvələrinin baş komandanı Aleksandr Sırski Ukrayna Prezidentinə məruzə edib və yaxşı nəticələrin əldə olunduğunu bildirib.

“Rusiya Pokrovsk və Dobropolya istiqamətində hücumları davam etdirir. Sentyabrın 29-na olan məlumata görə, Rusiya Ordusunun 3185 hərbçi itkisi var. 194 kvadratkilometr ərazi Rusiyadan geri alınıb. Kupyansk da müdafiə olunur”, – deyə A.Sırski bildirib.

Ukrayna Prezidenti Volodimir Zelenski isə qeyd edib:

“Krımın böyük hərbi bazaya çevrilməsinə imkan verməyəcəyik. Buna görə də Rusiyanın mövqelərinə zərbələr endirilir”.

O ki qaldı uzaqmənzilli silahlara, Ukrayna bu istiqamətdə yeni dron və raket növləri üzərində işləyir.