Ukraynada körpələrə "Bayraktar" adı verildi

Ukraynada yeni doğulan körpələrə “Bayraktar” adı verilib.

Bu, Rusiya ilə Ukrayna arasında bir ilə yaxındır davam edən müharibədə istifadə edilən “Bayraktar TB-2” PUA-larının populyarlığının 2022-ci ildə zirvəyə çatması ilə bağlıdır.

Məlumata görə, “Bayraktar” ölkədə yenidoğulan uşaqlara verilən ən qeyri-adi və məşhur adlar arasına daxil olub. Ukraynada insanların Türkiyənin bu pilotsuz uçuş aparatlarını çox sevdiyini və tanıdığını bildirən Krım Tatar Milli Məclisinin deputatı və Media şöbəsinin müdiri Qayana Yüksel qeyd edib ki, təkcə ölkənin Vinnitsa vilayətində 2022-ci ildə doğulan 10084 uşağa verilən adlar arasında “Bayraktar” ən çox istifadə ediləndir.

Məlumat üçün bildirək ki, Ukraynada ailələr tərəfindən körpələrə verilən qeyri-adi və məşhur adlar arasında oğlanlarda Jan Javelin, Artur Bayraktar, Həbib, Sultan və İskəndər, qızlarda isə Adelina Javelina, Athena və Lolita daha çox olub.