Uşaqların sağlamlığına ziyan vuran vərdişlər | Mütəxəssisdən valideynlərə müraciət

ABŞ-nin səhiyyə naziri Robert Kennedi Amerika məktəblərində smartfonların qadağan edilməsini təklif edib.

O bu barədə “Fox News” telekanalında uşaqların sağlamlığına mümkün təhlükələr və onların psixi vəziyyətinə mənfi təsir göstərməsi ilə bağlı mövqeyini əsaslandıraraq bildirib.

Kiçik Kennedi mobil telefonların uşaqların sinir sisteminə mənfi təsir göstərə bilən elektromaqnit dalğaları yaydığını iddia edir.

Onun fikrincə, smartfon və sosial şəbəkələrdən daimi istifadə orqanizm və psixoloji vəziyyət üçün dağıdıcı nəticələrə səbəb ola bilər.

Robert Kennedi ABŞ-nin 35-ci prezidenti Con Kennedinin qardaşı oğludur. O, karyerası ərzində tibb ictimaiyyətində tənqid dalğasına səbəb olan çoxsaylı açıqlamalar verib. Onun iddialarına peyvəndlər və autizm arasında əlaqə, “Wi-Fi” və 5G texnologiyalarının kanserogenliyi, HİV və QİÇS arasında əlaqənin inkarı daxildir.