Uzunömürlülərin yaşadığı qeyri-adi kənd | Görün nələrlə qidalanırlar

Sardiniyada insanların çoxunun 100 il və ya daha çox yaşaya biləcəyi kəndlər var.

Oqliastra, Barbagia di Ollolai və Barbagia di Seulo kimi mavi zona ərazilərində bəzi yerli sakinlər təkcə genlərinə görə deyil, həm də həyat tərzi vərdişlərinə görə uzunömürlü olurlar.

Sardiniyalıların yemək süfrələrində bazar günləri və ya xüsusi tədbirlər üçün ayrıldığı qeyd edilən ətdən çox meyvə və tərəvəz, eləcə də tam taxıl çörəyi və lobya üstünlük təşkil edir.

Sardiniyalılar ailəni prioritet sayır və hər bir ailə üzvünün ehtiyac duyduğu qayğını ödəyirlər. Bundan əlavə, belə uzunömürlülüyü nənə və babaların nəvələrinə göstərdikləri sevgi, qayğı və müdrikliklə əlaqələndirmək olar.

“Gün ərzində bir-iki stəkan qırmızı şərab içmək də bir fayda hesab olunur, keçi südü də iltihablı xəstəliklərdən qorunmağa kömək edə bilər. Dostlar və ailə ilə əylənmək də stresi və ürək xəstəliyi riskini azaldır”, – deyə məlumatda qeyd olunur.

Sardiniyadan başqa dünyada daha dörd mavi zona var. Yaponiyada Okinava adaları, Kosta Rikada Nikoya yarımadası, Yunanıstanda İkariya və Kaliforniyada Loma Linda bölgələrində oxşar situasiyadır.