Van Damm Rusiyaya niyə getmək istəyir? | Hollivud ulduzundan sensasiyalı paylaşım

Dünyaca məşhur Hollivud ulduzu Jan-Klod Van Damm Rusiya Prezidenti Vladimir Putinə videomüraciət ünvanlayıb.

O, Rusiyaya gəlmək və “sülh elçisi” kimi fəaliyyət göstərmək istədiyini bəyan edib.

Van Dammın bu müraciətini ukraynalı jurnalist Diana Pançenko özünün “Telegram” kanalında yayımlayıb.

Videoda aktyor bildirir: “Mən Rusiyaya gəlmək, orada insanlarla ünsiyyətdə olmaq və sülh üçün çalışmaq istəyirəm. İnanıram ki, sənətkarlar və idmançılar siyasətdən kənarda dayanaraq xalqları bir araya gətirə bilərlər”.

Bu çıxış Rusiya-Ukrayna müharibəsinin davam etdiyi bir dövrdə baş verdiyi üçün ciddi rezonans doğurub.

Maraqlıdır ki, Jan-Klod Van Damm Azərbaycanla da ailəvi əlaqələrə malikdir. Onun oğlu Kristofer Van Damm bir neçə il əvvəl azərbaycanlı qızla ailə həyatı qurub. Bu evlilik sayəsində məşhur aktyorun ailə bağları Azərbaycanla da yaranıb.

Van Damm verdiyi müsahibəsində bu nikahdan məmnun olduğunu, gəlinini çox sevdiyini və Azərbaycana maraqla yanaşdığını bildirmişdi.