“VASA”nın tarixi əhəmiyyəti | Bərpa işləri nə vaxt yekunlaşacaq?

Stokholm sahillərində batan 17-ci əsrə aid “Vasa” döyüş gəmisi yenidən qurulur.

Gəmi 1961-ci ildə sudan çıxarılıb. 61 metr uzunluğunda və hər iki göyərtəsində ümumi 64 kiçik toplarla silahlanmış “Vasa” 1628-ci il avqustun 10-da Stokholmda, Kral Qalasından təxminən 1300 metr uzaqlıqda çevrilərək batıb.

Bu gəmi nüfüzlu İsveç imperiyasının simvolu sayılıb. 1961-ci ildə İsveç donanmasının dalğıcları uzun müddət suyun altında normal vəziyyətdə qalan gəminin qalıqlarını sudan çıxararaq muzeydə yerləşdiriblər. Hətta gəminin artefaktlarla birlikdə normal vəziyyətdə qalması “Vasa”nı İsveç paytaxtına gələn turistlərin ən sevimli eksponatına çevirib.

Gəminin təxminən 400 il əvvəl tikildiyi palıd ağacı kimyəvi deqradasiyaya məruz qalıb. Gəminin gövdəsinin dənizin dibində qalması, eləcə də quruda hava ilə təması onun zəifləməsinə səbəb olub. Gəmi muzeydə onu yerində saxlayan dayaqların köməyi ilə bir qədər hərəkət edə bilir.

Hazırda “Vasa” bərpa olunur. Gəmiyə 27 polad beşik formalı qurğulardan və digər birləşmələrdən ibarət yeni bir dəstək sistemi quraşdırılır. Gəminin öz ağırlığını daşımasına kömək etmək üçün ona ən sonda polad çərçivə əlavə ediləcək. 17-ci ərsə malik “Vasa”nın təmiri 2028-ci ildə, onun 400-cü ildönümündə başa çatacaq.