Vaşinqton və Tehran arasında susan silahlar yenidən raket yağışına çevrildi - Baku TV

“ABŞ Prezidenti Donald Tramp Xarq adasını ələ keçirmək niyyətində olduğunu bildirib”.

Bu barədə o, “Truth Social”da yazıb.

Tramp ABŞ-nin İrana çox sərt zərbə endirəcəyi ilə hədələyərək vurğulayıb ki, ölkənin hərbi dəniz və hərbi hava qüvvələri, radiolokasiya sistemləri, hava hücumundan müdafiə vasitələri və digər müdafiə elementləri, eləcə də hücum potensialının böyük bir hissəsi artıq məhv edilib.

“Yaxın gələcəkdə hansısa bir məqamda biz Xarq adasını və İranın digər neft infrastrukturu obyektlərini ələ keçirəcəyik və eynilə Venesuelaya etdiyimiz kimi, onların neft və qaz bazarlarını tam nəzarətə götürəcəyik”, – deyə o, paylaşımında qeyd edib.

Ağ Ev rəhbəri İranda quru hərbi əməliyyatı keçirmək niyyətində olmadığını diqqətə çatdırıb.

Tramp etiraf edib ki, Vaşinqton İranda höküməti devirməyə cəhd edənlərə köməklik göstərib. Onun sözlərinə görə, ABŞ silahı İranda yaşayan və hakimiyyəti dəstəkləməyən kürdlərə verib, lakin onlar silahı başqalarına ötürmək əvəzinə, özləri üçün saxlayıblar: “Kürdlər bizi pis vəziyyətdə qoydu. Amma mən bunu unutmayacağam”.

Tramp həmçinin əlavə edib ki, ABŞ İrana endirilən son zərbə dalğası zamanı 250 milyon dollar dəyərində sursat xərcləyib.