Venesuela Prezidenti bütün ittihamları rədd edib | ”Mən vicdanlı insanam” - Baku TV

ABŞ tərəfindən həbs olunan Venesuela Prezidenti Nikolas Maduro və həyat yoldaşı Siliya Flores Nyu-York məhkəməsinin onlara qarşı irəli sürdüyü bütün ittihamları rədd ediblər.

Maduro məhkəmə zalında təqsirsiz olduğunu bildirərək Venesuelanın Prezidenti olaraq qalmağa davam etdiyini söyləyib.

“Mən təqsirsizəm. Mən vicdanlı insanam”, – deyə o, özünü hərbi əsir adlandırıb.

İttiham olunanlar Venesuela səfirliyindən konsulluq yardımı tələb ediblər. Məhkəmə Maduronun konsul işçiləri tərəfindən ziyarət olunmasına razılıq verib. Nyu-York məhkəməsi Maduro və həyat yoldaşı Siliya Floresin işi üzrə növbəti iclası 17 mart tarixinə təyin edib.

Qeyd edək ki, Venesuela Prezidenti Nikolas Maduro və həyat yoldaşı Siliya Flores narkoterrorizm və digər cinayətlərdə ittiham olunurlar. Məhkəmə iclası canlı yayımlanmayıb, lakin KİV-lərin zala girişinə icazə verilib.