Zalujnı vəzifədən azad edildi | Yeni baş komandan kimdir?

Ukrayna Prezidenti Volodimir Zelenski Silahlı Qüvvələrin Baş komandanı Valeri Zalujnını vəzifəsindən azad edib.

Ölkə rəhbəri bu barədə “Telegram” kanalındakı paylaşımında məlumat verib.

O, bu vəzifəyə general-polkovnik Aleksandr Sırskinin təyin edildiyini açıqlayıb.

V.Zelenski qeyd edib ki, Valeri Zalujnı gələcəkdə də Ukraynanın dövlət komandasının üzvü olacaq. O, V.Zalujnıya Ukraynanın iki illik müdafiəsinə görə təşəkkür edib.