Zaporojyenin daha bir kəndi Rusiyanın nəzarətinə keçib

“Rusiyaya təzyiq göstəririk. Bundan öncə də olduğu kimi, Ukraynanı dəstəkləməyə davam edəcəyik. Ukrayna tam şəkildə bizə güvənə bilər, çünki Rusiyanın hücumu təkcə Ukraynaya qarşı təcavüz deyil, həm də BMT Nizamnaməsinin prinsiplərinə qarşıdır. Hadisələr Avropa ərazisində cərəyan edir və buna görə də biz Ukraynanı lazım olduğu qədər dəstəkləyəcəyik. 28 maddəlik plan açıqlandı. Vəziyyəti müzakirə edəcəyik. Mən də məsələni müzakirə etmək üçün Prezident Volodimir Zelenski ilə əlaqə saxlayacağam”.

Bunu Cənubi Afrikada keçirilən G20 sammitində çıxışı zamanı Avropa Komissiyasının Prezidenti Ursula fon der Lyayen bildirib.

Qeyd edək ki, Rusiya Ordusunun Ukrayna ərazilərinə kütləvi hücumu davam edir. Sonuncu kütləvi hücuma noyabrın 19-da Ternopol məruz qalıb.

Noyabrın 21-də Ternopolda həlak olanların sayı 31 nəfərə çatıb. Partlayışın olduğu ərazidə axtarış-xilasetmə işləri aparılır. Bu səbəbdən ölü sayının artacağı istisna olunmur.

Ukrayna Silahlı Qüvvələrinin Baş Qərargahından bildirilib ki, son sutka ərzində cəbhə xəttində 173 döyüş baş verib. Hərbi toqquşmaların əksəriyyəti Pokrovsk istiqamətində qeydə alınıb.

Rusiya Müdafiə Nazirliyindən isə bildirilib ki, Zaporojyedəki Veseloe kəndi nəzarətə götürülüb.