Zelenski ABŞ-nin yox, bu ölkənin dediyini etdi | Ukraynanı məhv edəcək proses başlayır?

“Volodimir Zelenskinin Krımı Rusiyanın tərkib hissəsi kimi tanıması hazırda real görünmür. O, bir neçə gün öncə bu barədə açıq elan etmişdi. ABŞ-nin bu təklifi Ukrayna ilə danışıqlarda vəziyyəti gərginləşdirir”.

Bunu rusiyalı hərbi ekspert Yevgeni Mixaylov bildirib.

Ekspert əlavə edib ki, Ukrayna Britaniyanın tapşırıqlarını yerinə yetirir:

“Moskva danışıqlarda, atəşkəs müzakirəsində Krımın və hərbi əməliyyatlar zamanı ələ keçirilən digər ərazilərin Rusiyada qalmasını tələb edəcək. Buna razı olmasalar, Rusiyanın hesabına keçəcək ərazilərin sayı çoxalacaq. Söhbət nə qədər uzadılacaqsa, Ukrayna üçün bir o qədər pis olacaq. Kiyev təkliflərin heç birini qəbul etməsə, ABŞ bundan bezib kənara çəkiləcək. Bildirəcək ki, öz problemlərinizi özünüz həll edin. Bu zaman Rusiya qarşıya qoyulmuş məqsəd və tapşırıqları yerinə yetirmək üçün Ukraynanı dalana dirəyəcək. Bu ssenari Ukraynanın yox olmasına qədər gedib çata bilər”.

Y.Mixaylov əlavə edib ki, 2022-ci ilin mart-aprel aylarında Ukraynanın şansı var idi ki, razılığa gəlsin atəşkəs elan edilsin. Amma Moskva və Kiyev İstanbulda razılıq əldə etsələr də, daha sonra Ukrayna bu razılaşmalardan imtina edib:

“İstanbul danışıqlarında Ukrayna bu vəziyyətdən daha az itki ilə çıxa bilərdi, amma onlar bunu istəmədilər. Kiyev hərbi əməliyyatların davam etməsini istədi. İndi isə Rusiya bütün istiqamətlərdə irəlilədiyi zaman heç kim rəsmi Moskvaya göstəriş verə bilməz. Amerikalılar yardım variantları irəli sürürlər, Ukrayna isə razılaşmır. Kiyev Avropa İttifaqının yalan dolu vədlərinə inanır”.

Hərbi ekspert əlavə edib ki, Avropa İttifaqı Zelenski hökumətini uzun müddət dəstəkləyə bilməyəcək. Bu zaman isə Ukraynanın mövcudluğu sual altında olacaq.