Pleyeri seçin:
Zelenski Kuşner və Uitkoff ilə telefonla danışıb
Ukrayna lideri Volodimir Zelenski ABŞ Prezidentinin xüsusi nümayəndəsi Stiv Uitkoff və Donald Trampın kürəkəni, iş adamı Cared Kuşnerlə telefon danışığı aparıb.
Zelenski bu barədə "Telegram" kanalında yazıb.
O qeyd edib ki, telefon danışığında Ukrayna Silahlı Qüvvələrinin Baş Qərargah rəisi Andrey Qnatov və Milli Təhlükəsizlik və Müdafiə Şurasının katibi Rüstəm Umerov da iştirak edib.
Zelenskinin sözlərinə görə, tərəflər ABŞ ilə dialoq formatları və növbəti addımlar barədə razılığa gəliblər:
"Rüstəm Umerov və general Qnatovdan ətraflı hesabat gözləyirəm. Telefonla hər şeyi müzakirə edə bilmirik, buna görə komandalarla ideyalar və təkliflər üzərində detallı işləmək lazımdır".
Hazırda Umerov və Qnatov Vaşinqtonun təklif etdiyi Rusiya-Ukrayna münaqişəsinin sülh yolu ilə həlli planını müzakirə etmək üçün ABŞ-də səfərdədirlər.
Kopyalandı
#Ukrayna teqi istifadə olunub
- Polşa-Ukrayna gərginliyi artır: Moskva fürsəti necə dəyərləndirir? - AKTUAL GÜNDƏM
- Türkiyədə yenidən Rusiya-Ukrayna danışıqları baş tutacaq?
- Zelenski "Ağ qartal" ordeninin Polşaya qaytarıldığını bildirib - Baku TV
- Rusiya dialoqa hazırdır | Müharibənin taleyi necə olacaq?
- Ukraynanın gələcək aqibəti | Qərbin Kiyevə baxışı dəyişir?
Seçilmişlər
