Pleyeri seçin:
Zeytun yağı niyə əvəzolunmazdır?
Xəbərlərimizi Google-da izləyin
Yeniliklərdən dərhal xəbərdar olun
Amerikalı qidalanma mütəxəssisi Sapna Peruvemba sağlamlıq üçün ən faydalı kulinariya yağının adını açıqlayıb.
Mütəxəssis salatların hazırlanması və qızartma prosesi üçün ən optimal seçimin zeytun yağı olduğunu vurğulayıb.
"Zeytun yağı ürəyə xeyirli olan doymamış yağ turşuları ilə zəngindir. Eyni zamanda tərkibindəki güclü antioksidant olan polifenollar iltihabi prosesləri və qandakı lipidlərin miqdarını aşağı salaraq ürək-damar sisteminin fəaliyyətini qoruyur", – deyə Peruvemba bildirib.
Həmçinin diyetoloq qeyd edib ki, digər bitkimənşəli yağlarla müqayisədə zeytun yağının tüstülənmə nöqtəsi daha yüksəkdir. Bu xüsusiyyət orqanizmdə oksidləşdirici stresi gücləndirən və hüceyrə qişalarını zədələyən zərərli maddələrin yaranmasına mane olur.
Sonda mütəxəssis əlavə edib: "Rrafinə olunmuş zeytun yağının tüstülənmə həddi 199-243 dərəcə, ilk sıxılma zeytun yağının isə 177-210 dərəcə istilik təşkil edir. Məhz bu göstəricilər onu gündəlik mətbəx istifadəsi üçün olduqca universal vasitəyə çevirir".
Kopyalandı
Seçilmişlər
