Ağstafada evdə partlayış: xəsarət alanlar var

Ağstafada qaz sızmasından evdə partlayış baş verib. Hadisə rayonun Tatlı kəndində qeydə alınıb.

Nəticədə biri uşaq olmaqla, 6 nəfər xəsarət alıb. Xəsarət alanlar – 47 yaşlı Əlihüseyn Həsənov, 38 yaşlı İradə Rzayeva, 14 yaşlı Soma Rzayeva, 21 yaşlı Məryəm Məmmədli, 28 yaşlı Soldoz Qasımlı və 2 yaşlı oğlan uşağıdır.

Zərərçəkənlər xəstəxanaya aparılıb, onlardan 3-ü ambulator yardım aldıqdan sonra evə buraxılıb. Digərlərinin vəziyyəti isə ağır və orta ağır qiymətləndirilir. Faktla bağlı araşdırma aparılır.