Ana və körpəsinin müəmmalı ölümü | Qohumlar həkimləri ittiham etdi

Şabran Rayon Mərkəzi Xəstəxanasının doğum şöbəsində ana və uşaq ölümü baş verib.

Belə ki, səhər saatlarında üçüncü övladını dünyaya gətirmək üçün şəhər sakini 37 yaşlı Nailə Qasımova Şabran Şəhər Mərkəzi Xəstəxanasına gətirilib. Doğuş zamanı ana və körpəsini xilas etmək mümkün olmayıb.

Hadisə ilə bağlı TƏBİB-dən bildirilib ki, meyit müayinə olunmaq üçün Məhkəmə-Tibbi Ekspertiza və Patoloji Anatomiya Birliyinə təhvil verilib. Ölümün dəqiq səbəbi aparılacaq patoloji-anatomik müayinədən sonra məlum olacaq.

Hazırda faktla bağlı Şabran Rayon Prokurorluğunda araşdırma aparılır.