Avtomobil sexindəki yanğınla bağlı FHN-dən açıqlama

Paytaxtın Nəsimi rayonu, Nizami küçəsi 196 ünvanındakı avtomobil sexində yanğın baş verib.

Fövqəladə Hallar Nazirliyindən bildirilib ki, ümumi sahəsi 150 m² olan avtomobil təmiri sexində 1 ədəd divan və taxta qırıntıları yanıb. Sexin qalan hissəsi və içərisində olan 2 ədəd avtomobil yanğından mühafizə olunub.

Yanğın FHN əməkdaşları tərəfindən qısa zamanda söndürülüb. Hadisə nəticəsində xəsarət alan olmayıb.