Azərbaycanlı MMA döyüşçüsünə hansı cəza verildi? | Qalmaqallı xəbərin təfərrüatı

Azərbaycanlı MMA döyüşçüsü Cavid Rzayev Rusiya vətəndaşlığından çıxarılıb.

O bu barədə məlumatı RBK-ya təsdiqləyib.

İddiaya görə, Cavid Rzayev Rusiyanın milli təhlükəsizliyinə təhdid yaradan hərəkətlər edib. Daha dəqiq desək, onun vətəndaşlıqdan məhrum edilməsinə səbəb “rus donuzu” ifadəsindən istifadə etməsidir.

2025-ci ilin aprelində isə idmançı xuliqanlıq ittihamı ilə 2 illik icbari işlərə cəlb olunub. Belə ki, 2024-cü ildə gecə klublarının birində dicey Cavidin sifariş etdiyi mahnıdan imtina edib və dava düşüb. Azərbaycanlı döyüşçü diceyi döyüb.

Həmin il daha bir qalmaqal yaşanıb. Rusiyalı idmançı Sergey Prixodko üzərində qələbə qazanan Cavid Rzayev digər döyüşçü Artur Kulinski ilə mübahisəyə girib və onu “rus donuzu” adlandırıb.

Rusiyanın Boks Federasiyası isə təhqirə görə Baş Prokurorluğa müraciət edib və azərbaycanlı idmançını yarışlardan uzaqlaşdırıb.