Pleyeri seçin:
Bağçada bədbəxt hadisə | Azyaşlı xəsarət aldı
Sentyabrın 17-si səhər saatlarında Bakıdakı 265 nömrəli körpələr evi-uşaq bağçasının dəhlizində tavandan bərk cisim parçasının düşməsi nəticəsində bir uşaq xəsarət alıb.
Sakinlər hadisə ilə bağlı Baku TV-yə danışıblar.
“Belə problemlərə dövlət qurumları nəzarət etməlidir. Baş verən hadisəyə görə bağça nümayəndələri də günahkardır. Pul yığa bilirlər, amma təmir edə bilmirlər. 32 ildir ki, bu ərazidə yaşayıram, hələ də bağçanın təmir olunduğunu görməmişəm”, – onlardan biri söyləyib.
Məsələ ilə bağlı Bakı Şəhəri üzrə Təhsil İdarəsindən bildirilib ki, tibb bacısı tərəfindən uşağa ilkin tibbi yardım göstərilib:
“Bağça rəhbərliyi tərəfindən uşağın valideyninə dərhal məlumat verilib. Uşaq səhiyyə müəssisəsində müayinə olunub, uyğun tibbi yardım göstərilib və vəziyyəti qənaətbəxş olduğu üçün evə buraxılıb”.
Kopyalandı
Seçilmişlər
