Bakıda döyüş tətbiqinə yararlı qumbara aşkarlandı | FHN

Paytaxtın Xətai rayonu, Qaçaq Nəbi küçəsində sursat aşkar edilib.

Bu barədə Fövqəladə Hallar Nazirliyinin “112” qaynar telefon xəttinə məlumat daxil olub.

Dərhal FHN-in Xüsusi Riskli Xilasetmə Xidmətinin minalardan təmizləmə üzrə çevik qrupu hadisə yerinə cəlb edilib. Əraziyə baxış zamanı aşkar edilmiş sursatın döyüşə yararlı 1 ədəd “PQ-2” qumbarası olduğu müəyyən edilib.

Sursat Xüsusi Riskli Xilasetmə Xidmətinin çevik qrupunun mütəxəssisləri tərəfindən zərərsizləşdirilməsi üçün ərazidən götürülərək kənarlaşdırılıb.