"Buradan keçənlər təhlükədədir" | 8 Noyabr prospektində səki çökdü - Baku TV
Yeniliklərdən dərhal xəbərdar olun
Paytaxtın Xətai rayonu, 8 Noyabr prospektində təhlükəli vəziyyət yaranıb. Belə ki, ərazidə həm piyadalar üçün nəzərdə tutulan səkidə, həm də velosiped zolağında çökmə baş verib.
Vətəndaşların sözlərinə görə, son günlər ərazidə yaranan çökmə ilə bağlı müvafiq qurumlar tərəfindən təhlükəni göstərən xəbərdaredici vasitələr yerləşdirilib. Lakin bu vasitələr yalnız bir tərəfdən görünür. Yəni əraziyə digər istiqamətdən, xüsusilə də axşam saatlarında yaxınlaşan vətəndaşlar çökməni görməyərək təhlükə ilə üzləşə bilərlər.
Sakinlər vurğulayıblar ki, yolun bu hissəsində son vaxtlar təmir-bərpa işləri də aparılıb. Lakin təmir işlərindən sonra ərazidə yenidən çökmə baş verib.
Onlar bildirirlər ki, bu, sözügedən ərazidə qeydə alınan ilk çökmə deyil. Problem artıq bir neçə dəfə təkrarlanıb və hazırda piyadalarla velosipedçilər üçün ciddi təhlükə yaradır.
#Xətai rayonu teqi istifadə olunub
- Restorandakı qanlı davaya görə həbs edilən 11 nəfəri nə gözləyir? - 24 SAAT
- Restorandakı kütləvi davanın yeni detalları məlum oldu - Baku TV
- Xətaidə baş verən hadisə ilə bağlı istintaq davam edir | DİN-dən vacib məlumat - Baku TV
- “Həyət-bacada görünən adamlar deyildi” | Oğul ananı bıçaqladı? - Qonşu danışdı - Baku TV
- Qadın bıçaqlandı, oğlu saxlanıldı | Xətaidəki dəhşətli hadisənin detalları - Baku TV CANLI
