"Məni oraya dırmaşanda da çəkdiniz?" | Sabunçuda gediş-gəliş müşkülə çevrildi - Baku TV
Yeniliklərdən dərhal xəbərdar olun
Sabunçu rayonu, Qəzənfər Musabəyov küçəsinin sakinləri yaşadıqları ərazidə yağış sularının yaratdığı problemlə bağlı Baku TV-nin qaynar xəttinə müraciət ediblər.
Onların sözlərinə görə, kanalizasiya xəttində yaranan problem nəticəsində küçəni su basıb, hərəkət etmək çətinləşib.
Sakinlər bildirirlər ki, problem uzun müddətdir davam edir. Küçədə yığılan suyun səviyyəsi getdikcə yüksəlir və artıq evlərin həyətlərinə daxil olmağa başlayıb. Bu vəziyyət xüsusilə məktəbə gedən uşaqların, yaşlı insanların və qadınların hərəkətini çətinləşdirir.
Onların sözlərinə görə, əraziyə təcili tibbi yardım briqadası çağırmaq, eləcə də taksi xidmətindən istifadə etmək də mümkün olmur.
“Keçmək olmur. Hər dəfə yağış yağanda vəziyyət bu həddə çatır. Camaat burada balıq saxlayacaq?! Belə şey olar?!”, – sakinlərdən biri bildirib.
“Güclü yağış yağan kimi bütün qapılar bağlanır. Aidiyyəti qurumlar haraya baxır? Deyirlər ki, guya ilin axırına kimi düzələcək. Körpələri olan ailələr var. Bilmirəm, hansı zəmanədə, harada yaşayırıq. Dağın başında belə buradan daha yaxşı şərait var. Mərkəzə yaxın ərazidir, amma baxan yoxdur”, – başqa bir sakin deyib.
#Sabunçu teqi istifadə olunub
- Sabunçuda kanalizasiya problemi küçəni gölə çevirdi - Baku TV CANLI
- "Başqa kişilərlə əlaqəsi var idi" | Ərinin qatilinə çevrilən qadın cinayəti necə ört-basdır etdi?
- Gözləri yolda qalan sərnişinlər | 162 nömrəli marşrutda nə baş verir? - Baku TV
- Ərini öldürməkdə təqsirləndirilən qadına ağır cəza verildi - Baku TV
- "Ölüm yolu"nda daha bir faciə | Bu yolda niyə tədbir görülmür? - Baku TV
