Bakıda sakinlər yolu bağladılar

Paytaxtın Nəsimi rayonunda yaşayış binasında yanğın baş verib.

Hadisə 5-ci mikrorayon, Asif Məhərrəmov küçəsindəki 16 mərtəbəli binada qeydə alınıb. Belə ki, bir neçə gün əvvəl qazın verilişi dayandırılaraq xətlərdə təmir-bərpa işləri aparılıb. Daha sonra binaya qazın verilişi bərpa olunsa da, təzyiqin çoxluğu mənzillərdə partlayışa səbəb olub.

Mövcud problemlə bağlı sakinlər öz etirazlarını bildirmək üçün avtomobil yolunu bağlayıb. Bununla bağlı əraziyə hüquq-mühafizə orqanlarının əməkdaşları cəlb olunaraq yolda hərəkət bərpa olunub.

Faktla bağlı araşdırma aparılır.