Pleyeri seçin:
Bakıda xilasetmə əməliyyatı | Mağazada yeniyetmə təhlükəli vəziyyətdə qaldı
Fövqəladə Hallar Nazirliyinin “112” qaynar telefon xəttinə paytaxtın Nəsimi rayonu, 4-cü mikrorayon ərazisində mağazada vətəndaşın təhlükəli vəziyyətdə qalması barədə məlumat daxil olub.
Bu barədə FHN-in mətbuat xidmətindən məlumat verilib. Dərhal hadisə yerinə Nazirliyin Xüsusi Riskli Xilasetmə Xidmətinin xilasediciləri cəlb edilib.
Hadisə yerində əməliyyat şəraiti qiymətləndirilərkən müəyyən olunub ki, 17 yaşlı Əli Əzimov marketin daxilində istifadə olunan qaldırıcı qurğu ilə yükləri qaldırarkən müvazinətini itirərək yıxılıb və ayağı qurğu ilə divarın arasında sıxılılaraq təhlükəli vəziyyətdə qalıb.
Xilasedicilər xüsusi xilasetmə alət və avadanlıqlarından istifadə etməklə Əli Əzimovu xilas edərək təcili tibbi yardım briqadasına təhvil veriblər.
Kopyalandı
#Xilasetmə teqi istifadə olunub
Seçilmişlər
