Bakıda yeni oğurluq növü | Nömrəni oğurlayıb pul istədilər

Bakıda yeni oğurluq növü yaranıb: əvvəlcə oğurlayır, sonra isə pul qarşılığında qaytarırlar. Bununla bağlı videogörüntü sosial şəbəkələrdə paylaşılıb.

Belə ki, şəxs iddia edir ki, gecə ilə “Volkswagen” markalı avtomobilinin üzərindəki 99-EB-100 dövlət nömrə nişanından biri oğurlanıb:

“Oğurluq edən şəxs maşının şüşəsinə Rusiyanın mobil operatorlarına aid nömrə yazıb. Nömrə ilə əlaqə saxlanılıb, oğurluğu edən şəxs nömrəni 600 manat qarşılığında qaytaracağını deyib. Ödənişi isə M10 vasitəsilə etməyi tələb edib. Deyib ki, yalnız ödənişdən sonra avtomobilin dövlət nömrə nişanının harada olduğu barədə məlumat verəcək”.

Faktla bağlı araşdırma aparılır.