Bakının Nərimanov rayonunda binada yanğın baş verib

Bakıda çoxmərtəbəli binada yanğın baş verib.

Hadisə paytaxtın Nərimanov rayonunda doqquzmərtəbəli yaşayış binasında qeydə alınıb.

Belə ki, binanın 4-cü mərtəbəsində yerləşən mənzilin mətbəxi və dəhlizi yanmağa başlayıb. Alov yuxarıda yerləşən mənzilin eyvan qapısına da keçib.

Əraziyə cəlb olunan Fövqəladə Hallar Nazirliyinin əməkdaşları alovun qarşısını alıblar.

Qeyd edək ki, yanan mənzildə heç kim olmayıb. Hadisə zamanı digər mərtəbələrdə yaşayan 10 nəfər təxliyə edilib. Xəsarət alan yoxdur.