Daha bir heyvan otaran şəxs Tərtərdə minaya düşdü

Tərtərdə heyvan otaran şəxs minaya düşüb. Bu barədə Baş Prokurorluq məlumat yayıb.

Qeyd olunub ki, səhər saatlarında əvvəllər təmas xətti olmuş Tərtərdə baş vermiş mina partlayışı nəticəsində ərazidə heyvan otaran 58 yaşlı Azər Məmmədov sol ayağından xəsarət alıb.

Prokurorluq əməkdaşları hadisə yerinə baxış keçirir, digər zəruri istintaq hərəkətləri aparılır. Faktla bağlı Tərtər Rayon Prokurorluğunda araşdırma aparılır.

Hadisə ilə bağlı Daxili İşlər Nazirliyi də məlumat yayıb. Bildirilib ki, Tərtərdə mina partlayışı ilə bağlı polisə də məlumat daxil olub. Polis əməkdaşları tərəfindən vətəndaş xəstəxanaya təxliyə edilib.