Eşidib ki, inilti səsi gəlir... | 18 yaşlı oğlanın ölümünün dəhşətli təfərrüatı

Gəncədə küçədə döyülən 18 yaşlı Elgün İbrahimov xəstəxanada vəfat edib.

O, 34 saylı məktəbin 11-ci sinif şagirdi olub.

Mərhumun atasının sözlərinə görə, Elgün döyülərkən tanınmaz hala salınıb.

“Axşam bacım zəng edib ağlaya-ağlaya dedi ki, Elgünün başına iş gəlib, 3 nömrəli xəstəxanaya gəl. Həkimlərdən icazə alıb oğlumun yanına girdik. Uşağım vəhşicəsinə döyülmüşdü, tanınmaz halda idi. Başı yoxdur, tikə-tikə idi”, – deyə o bildirib.

TƏBİB-dən verilən məlumata görə, mayın 13-də 2007-ci il təvəllüdlü şəxs (kişi cinsli) Gəncə Şəhər Birləşmiş Xəstəxanasının nəzdində olan Akademik Zülfüqar Məmmədov adına xəstəxananın Təcili tibbi yardım şöbəsinə aqonal vəziyyətdə hospitalizasiya olunub:

“Ona qapalı kəllə-beyin travması, qarının və bədənin müxtəlif nahiyələrinin küt travması diaqnozları təyin edilib. Aparılan reanimasiya tədbirlərinə baxmayaraq, saat 12:10 radələrində pasiyentin ölüm faktı qeydə alınıb”.

Faktla bağlı araşdırma aparılır.