Göygöldə ayının hücumu əhaliyə qorxu dolu anlar yaşatdı

Göygöldə ayı kəndə hücum edib.

“Report”un məlumatına görə, rayonun Toğanalı kəndində ayı insanların yaşadığı evlərin həyətinə daxil olub.

Kəndə qonaq gedən Rövşən Əmiraslanoğlu gecə saatlarında həyətdə səs eşitdiyini bildirib. O, həyətə çıxan zaman ayının çəpəri dağıdaraq həyətə daxil olduğunu görüb.

Qeyd edək ki, bir neçə ay öncə Göygöl rayonunun digər kəndlərində də ayı sakinlərin təsərrüfatına hücum edib. Sakinlər ac ayının onlara xəsarət yetirəcəyindən ehtiyat edirlər.