Güclü yağış Mingəçevirdə fəsadlar törətdi

Güclü yağış və külək Mingəçevirdə də fəsadlar törədib.

Şəhərin Heydər Əliyev prospekti, Rəsul Rza küçəsi və digər hissələrində sel suları avtomobillərin, piyadaların hərəkətini çətinləşdirib. Rəsul Rza küçəsinə dolan sular həmin küçədə yerləşən Texniki-Humanitar liseyin qarşısını keçilməz edib.

Ərazidə yaranmış çətinliyi aradan qaldırmaq üçün aidiyyəti qurumların canlı qüvvəsi və texnikaları cəlb edilib. Küləklə müşahidə edilən yağış şəhərin bir hissəsini işıqsız qoyub. Bəzi yerlərdə enerji verlişində fasilələr yaranıb.

Qeyd edək ki, bölgədə qeyri-sabit hava şəraiti davam edir.