Həkim və arvadının qətlindən tükürpərdən detallar | Yaxınları danışdı

Salyanın Kərimbəyli kəndində dəhşətli qətl törədilib.

Rayon sakini 68 yaşlı İsrafil Məmmədov və onun həyat yoldaşı, 61 yaşlı Münəvvər Məmmədovanın üzərilərində zorakılıq əlamətləri olan meyitləri yaşadıqları evdə aşkarlanıb.

Dərhal əraziyə rayonun hüquq-mühafizə orqanlarının əməkdaşları cəlb olunub. Hadisə yerinə baxış keçirilib.

Qeyd edək ki, qətlə yetirilən İsrafil Məmmədov uzun müddət Salyan Rayon Mərkəzi Xəstəxanasının poliklinika şöbəsinin baş həkimi olub. O, bir neçə il əvvəl təqaüdə çıxıb və yaşadığı kənddə istixana işlədirmiş. Hazırda hadisə ilə bağlı əməliyyat-axtarış tədbirləri davam etdirilir.