İki əmioğluya da gəlin olan qız və sevgilisinin dəhşətli sonu - SONUNCU ŞAHİD

Əmisi oğlunun həyat yoldaşını qaçırdı, əmisi tərəfindən qətlə yetirildi.

Belə ki, Fərid və Hicranın (Adlar şərtidir) sevgisi kənddə başlamışdı. Hicran Fəridin əmisinin gəlini idi.

Onlar xoşbəxt olmaq üçün Bakıya qaçmışdılar. Amma Fərid əmisi Bərxudarın kabusunu görürdü.

Hicranla Fərid elə Bakıya gəldikləri gün şəhərətrafı qəsəbələrin birində makler vasitəsilə kirayə ev tapır. Hicran ev işləri ilə məşğul olur, Fərid isə televizor izləyir, amma həm də arabir ona gələn telefon zənglərinə baxır, cavab vermir, Hicrana bu barədə deməsə də, həyəcan keçirir.

Növbəti günün səhəri zənglər dayansa da, Hicran və Fərid kənddəki valideynlərinin başına qorxulu nələrsə gəlməsi ehtimalı barədə söhbət edirlər. Hicran anası ilə danışmaq istədiyini desə də, Fərid hələ ki gözləmək lazım olduğunu deyir və elə bu vaxt sanki Bərxudarın kabusunun onlara baxdığı gözünə görünür.

Dərhal ayağa qalxır, Hicran da təşviş keçirir. Fərid həyətdə heç kimin olmadığını görüb, özünü və onu sakitləşdirir.

Onların maddi vəziyyətləri də getdikcə pisləşirdi. Hicran Fəridə iş tapmaq lazım olduğunu deyir. Fərid isə iş axtaracağına söz verir. Bərxudar onların arxasınca yaşadıqları qəsəbəyə qədər gəlib çıxmışdı. Mağazadan ərzaq alıb evə qayıdarkən Fərid və Hicranı görən Bərxudar onları kirayə qaldıqları evin qarşısına qədər izləyir.

Gələnin kim olduğunu düşünmədən qapını açan Hicran qəfildən ona tərəf silah tuşlayan Bərxudarı görür. Bərxudar Hicranın ağzını əli ilə bağlayaraq içəri aparır. Qonaq otağında divanda oturan Fərid qəfil yerindən dik atılaraq qorxu içində nə edəcəyini bilmir.

Bərxudar səslərini çıxardıqları an onları öldürəcəyini deyir və hər ikisinə də tapşırır ki, dərhal çölə çıxsınlar. Bərxudar silah gücünə Fərid və Hicranı özü ilə avtomobilə oturdur və sürücüyə deyir ki, birbaşa kəndə sürsün. Daha sonra Bərxudar avtomobili kəndə gedən yolun kənarındakı ərazidə saxlatdırır və oradaca Fəridi qətlə yetirir.