İki polis əməkdaşı ehtiyatsız davranış səbəbindən həlak olub

İşğaldan azad olunan əraziyə ezam olunan polis əməkdaşları xidməti silahdan ehtiyatsız davranması nəticəsində həlak olublar. Hadisə martın 13-də saat 03:00 radələrində baş verib.

Bu barədə Daxili İşlər Nazirliyindən məlumat verilib.

Qeyd olunub ki, polis nəfərinin xidməti silahdan ehtiyatsız davranması nəticəsində açılan 1 atəşdən polis zabiti 42 yaşlı Ramiz İsmayılov və polis nəfəri Abid Mustafazadə xəsarət alıblar. Göstərilən tibbi müdaxilələrə baxmayaraq, onlardan 1-i hadisə yerində, digəri xəstəxanaya aparılarkən həyatını itirib.

Faktla bağlı araşdırma aparılır.