Pleyeri seçin:
İranla sərhəddə əməliyyat keçirildi | DSX-dən təcili məlumat
Sərhədçilər İrandan Azərbaycana külli miqdarda narkotik keçirilməsinin qarşısını alıblar.
Bu barədə Dövlət Sərhəd Xidmətindən məlumat verilib.
Bildirilib ki, fevralın 19-da saat 03:30-da Sərhəd Qoşunlarının “Göytəpə” sərhəd dəstəsinin xidməti ərazisində İrandan Azərbaycan istiqamətinə 3 naməlum şəxsin dövlət sərhədini pozması müşahidə edilib.
Sərhəd naryadı tərəfindən “Dayan” əmrinin verilməsinə və havaya xəbərdarlıq atəşinin açılmasına baxmayaraq, sərhəd pozucuları əmrə tabe olmayıb, havanın qaranlıq və relyefin mürəkkəbliyindən istifadə edərək geriyə, İran ərazisinə qaçıblar. Aparılan axtarış tədbirləri nəticəsində ərazidən ümumi çəkisi 15 kq 600 qram narkotik vasitə marixuana, 30 ədəd “ProstaHealth” və 1000 ədəd güclü təsiredici vasitə hesab edilən Metadon M-40 həbləri aşkar olunaraq götürülüb.
Fakt üzrə əməliyyat-istintaq tədbirləri davam etdirilir.
Kopyalandı
#İran teqi istifadə olunub
- Xameneinin müşaviri BƏƏ-yə od püskürdü | "Yəməndə nə edirdiniz?" - Baku TV CANLI
- Tehran Polis İdarəsinin rəhbəri Abbasəli Məhəmmədiandan açıqlama
- “Sənətimi İran İslam Respublikasının olmayacağı günlərə saxlayıram” | Ququş
- İraqda İrana bağlı qruplaşmaların ləğvi tələb edildi
- “O İran rəsmilərinin həbsi...” | İsrail nəşrində qalmaqallı məqalə
Seçilmişlər
