İşdə qanlı hesablaşma | Abşeronda direktor müavini xəstəxananın önündə bıçaqlandı - Baku TV

Abşeron rayonunda bıçaqlanma hadisəsi baş verib.

Hadisə Abşeron Rayon Mərkəzi Xəstəxanasının həyətində qeydə alınıb.

Məlumata görə, xəstəxananın baş direktorunun inzibati məsələlər üzrə müavini Orxan Ənvərli bıçaq xəsarəti alıb.

İlkin məlumata əsasən, Orxan Ənvərli ilə tabeliyində çalışan sürücü Elçin Balayev arasında iş münasibətləri ilə bağlı problem yaranıb. Mübahisədən sonra baş direktorun müavini sürücüyə töhmət və xəbərdarlıq edib.

Bildirilib ki, Elçin Balayev xəstəxananın həyətində Orxan Ənvərlini gözləyib. O.Ənvərli avtomobildən düşərkən isə ona sol qabırğa nahiyəsindən bıçaqla xəsarət yetirib.

Yaralı Abşeron Rayon Mərkəzi Xəstəxanasına çatdırılıb. Onun vəziyyətinin orta stabil olduğu bildirilir.

Hadisə yerinə polis əməkdaşları cəlb olunub. Keçirilən əməliyyat tədbirləri nəticəsində Elçin Balayev şübhəli şəxs qismində saxlanılaraq istintaqa təhvil verilib.

Faktla bağlı araşdırma aparılır.