"Kiminsə haqqı yoxdur ki, ona elə davransın" | Yeddinci mərtəbədən iti atdı, sonra isə... - Baku TV

Sosial şəbəkələrdə Qaradağ rayonu, Müşfiqabad qəsəbəsi, Yeni Həyat yaşayış massivi, 133 ünvanında itə qarşı zorakılıq edilməsi ilə bağlı görüntülər yayılıb.

Görüntülərdə itin binanın yeddinci mərtəbəsindən yerə atıldığı əks olunub.

İddialara görə, hadisəni törədən şəxs artıq saxlanılıb. Həmçinin həmin şəxsin daha əvvəl də heyvanlara qarşı oxşar hərəkətlər etdiyi və narkotik vasitələrdən istifadə etdiyi bildirilir.

“Başa düşürəm, o it xəstə ola bilər. Amma heç kimin haqqı yoxdur ki, o vəziyyətdə iti oradan atsın. Heç kimə dəymirdi, sadəcə, yemək istəyirdi”, – sakinlərdən biri deyib.

“Mən hazırlığa getmədən əvvəl ona çörək, su verdim. Qayıdanda gördüm ki, liftin qarşısında qan var. Dedilər ki, it ölüb, kimsə onu atıb”, – digər sakin qeyd edib.

Məlumata görə, heyvana qarşı rəhmsiz rəftar etdiyi üçün polis əməkdaşları tərəfindən saxlanılan Ağakişiyev soyadlı şəxs 25 sutka müddətinə inzibati qaydada həbs olunub.