Lerikdə itkin düşən şəxsin meyiti dərədə aşkar edilib

Lerik rayonunda aprelin 3-də itkin düşən Ümid Əliməmməd oğlu Hüseynovun meyiti tapılıb.

Hadisə rayonun Almu kəndində baş verib. 28 yaşlı gəncin meyiti ailələrinə məxsus pay torpağın yaxınlığındakı dərədə, su arxından aşkarlanıb.

Meyit Məhkəmə Tibbi Ekspertiza və Patoloji Anatomiya Birliyinin Lənkəran Rayon Şöbəsinə təhvil verilib. Faktla bağlı prokurorluqda araşdırma aparılır.