Bakıdan qayıdan rayon sakinləri mikroavtobusla ağır qəzaya düşdülər - Baku TV

Lerikdə mikroavtobus dərəyə aşıb, yaralılar var. Hadisə rayon ərazisində qeydə alınıb.

Belə ki, Lerik istiqamətində hərəkətdə olan "Mercedes Vito" markalı avtomobil idarəetmədən çıxıb və dərəyə aşıb. Avtomobildə olan sürücü və sərnişinlər müxtəlif dərəcəli bədən xəsarətləri alıblar.

Məlumata görə, Lənkəran Rayon Mərkəzi Xəstəxanasının təcili yardım şöbəsinə 7 yaralı daxil olub. İlkin məlumata görə, onlar Bakıdan qayıdan rayon sakinləridir.

Xəsarət alanlar 40 yaşlı Hakim Mirzəyev, 19 yaşlı Kənan Salmanov, 25 yaşlı Mehman Babazadə, 57 yaşlı Fərhad Salmanov, 35 yaşlı Pərvaz Məmmədov, 27 yaşlı Sərxan Ağazadə və Səma Ağazadədir. Faktla bağlı araşdırma aparılır.

Mikroavtobusun dərəyə aşması nəticəsində xəsarət alan şəxslərin son vəziyyəti də açıqlanıb.

TƏBİB-dən bildirilib ki, dekabrın 31-də, saat 10:15-də Lerik rayonu ərazisində baş verən yol-nəqliyyat hadisəsi səbəbi ilə xəsarət alan biri qadın, altısı kişi olmaqla, ümumilikdə yeddi nəfər Lənkəran Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

"Onlara bədənin müxtəlif nahiyələrinin çoxlu travması diaqnozları təyin olunub. Hazırda pasiyentlərin müalicəsi Təcili tibbi yardım şöbəsində davam etdirilir. Vəziyyətləri stabil olaraq qiymətləndirilir, – deyə məlumatda vurğulanıb.