"Tez öldürmüşük, amma..." | Ailə qorxu içində | "Necə yaşayacağımızı bir Allah bilir" - Baku TV

Lerikin ucqar dağ kəndi olan Bradinin sakini Qədir Qurbanovun ailəsi illərdir qəzalı vəziyyətdə olan evdə yaşayır.

Onun sözlərinə görə, ev 1970-ci ildə tikilib. 2012-ci ildə güclü külək nəticəsində damın uçmasından sonra yaşayış evi qəzalı vəziyyətə düşüb.

“Evimin qəzalı vəziyyətdə olmağı ilə bağlı aidiyyəti quurumlara illərdir müraciət edirəm. Amma səsimə səs verən yoxdur”, – deyə şikayətçi bildirib.

Q.Qurbanov qeyd edib ki, ailənin maddi vəziyyəti ağırdır və təsərrüfatından da gəlir əldə edə bilmir.

Ailə başçısı bildirib ki, evin döşəməsi tamamilə çürüyüb. Bu səbəbdən evdə hərəkət etmək belə çətinləşib.

O vurğulayıb ki, döşəmədəki boşluqlardan gecələr ilanlar və digər sürünənlər evə daxil olur: “Gecələr buradan ilanlar, sürünənlər evin içinə giri. Dəfələrlə olub ki, tez öldürüb çıxartmışıq”.