Məşhur bağçada müəllim uşağa görün nə etdi | Hadisə ilə bağlı təcili tədbir

Lənkəranda bağçada uşağı döyən müəllim işdən çıxarılıb. Bu barədə Baku TV-yə "Kaspi" Təhsil Şirkətindən məlumat verilib.

Bildirilib ki, "Lənkəran Kaspi Kids" bağçasında uşağa şiddət göstərən müəllimin fəaliyyətinə artıq xitam verilib. Baş verən hadisə ilə bağlı araşdırma aparılır.

Şirkətin açıqlamasında bu kimi halların təhsil müəssisəsinin prinsiplərinə və dəyərlərinə tamamilə zidd olduğu, bu səbəblə baş verən hadisənin dərhal araşdırıldığı, müvafiq əməkdaşın işdən azad edildiyi qeyd olunur. Eyni zamanda "Kaspi Kids" brendin təhsil keyfiyyəti prinsiplərinə uyğun fəaliyyət göstərmədiyi üçün "Hirkan Hazırlıq Kursu" MMC-nin françayzinq müqaviləsinə xitam verilib.

"Gələcəkdə bu kimi halların baş verməməsi üçün nəzarət mexanizmləri daha da gücləndiriləcək, bütün zəruri tədbirlər görüləcək", – deyə hazırlıq kursu mərkəzindən məlumat verilib.

Qeyd edək ki, sosial şəbəkələrdə Lənkəran şəhərində yerləşən “Kaspi Kids” uşaq bağçasında azyaşlılara qarşı şiddət göstərilməsi ilə bağlı videogörüntülər geniş müzakirələrə səbəb olub. Paylaşımda müəllimin uşağın başına vurduğu, nəticədə balacanın başının qanadığı qeyd olunub.